China ta tura yan sama Jannati sararin samaniya

Kumbon Shenzhou-20 da ke dauke da 'yan sama jannatin masu binciken sararin samaniya ya tashi da misalin karfe 5:17 agogon China daga tsibirin Gobi a arewa maso gabashin China a cewar kafofin yada labaran kasar.

Ana sa ran masana kimiyyar da ke can za su dawo gida a ranar 29 ga watan na Afrilu. Ana musayar tawagar masu binciken duk bayan watanni shida.

China dai na kokarin zama ja gaba a sararin samaniya inda ta ke fatan tura wata tawaga zuwa duniyar wata nan da shekara ta 2030 tare da kafa sansani da gudanar da bincike a duniyar Mars.

Domin cimma abin da shugaba Xi Jinping ya baiyana da burin al'ummar China, Beijin ta zuba biliyoyin daloli a shirinta na sararin samaniya a yan shekarun baya bayan nan.