China ta shirya rama wa Amurka aniyarta

Mnistan harkokin cinikayya a China Wang Wanteo, wanda ya bayana hakan a wannan Alhamis, ya ce kasar za ta yi duk mai yiwuwa wajen kare muradunta.

A wannan makon dai an yi ta musayar zafafan kalamai a tsakanin China da Amurka, kasashen da ke kan gaba a karfin tattalin arziki a duniya, a kan abin da ya shafi kakaba wa juna manyan haraji a kan kayayyakin da suke kerawa.

Shugaba Donald Trump dai ya ninka haraji a kan kayayyakin China da ke shiga kasarsa inda ita ma China ta dauki matakin rama wa kura aniyarta.