An sake ganin alamun haske kan rikicin Isra'ila da Hamas

Masu shiga tsakani a batun sulhunta rikicin Hamas da Isra'ila, sun ce an dan samu kwarya-kwaryar ci gaba a kokarin da ake na samar da wata yarjejeniyar tsagaita wuta da shigar da kayan agaji a yankin Gaza.

Firaministan Qatar Mohammed bin Abdulrahman Al Thani da kasarsa ke zaman uwa da makarbiya wajen daidaita Hamas da Isra'ilar ne ya sanar da haka a yau din nan, a yayin wani taron manema labarai da ya jargoranta.

Ko a ranar Asabar kungiyar Hamas ta sanar da shirinta na mika daukacin ragowar Isra'ilawan da ta yi garkuwa da su, madamar Tel -Aviv za ta rattaba hannu kan yarjejejniyar tsagaita wuta ta tsawon shekaru biyar, tare da shigar da kayan agaji, sai dai kuma ya zuwa yanzu Isra'ilar ba ta kai ga cewa komai ba takwana.