ƙasar Italiya na fuskantar matsin ƙasahen ƙungiyar Tarrayar Turai

Fraministan ƙasar Italiya Silvio Berlusconi na cikin wani hali na tsaka mai wuya a wannan rana wadda yan majalisar dokokin ƙasar zasu kada ƙuria'a amince wa ko akasin haka da gwamnatin sa, tare kuma da tantance sabon kasafin kuɗi na shekara. A daidai lokacin da frashin kasuwani hannayan jari na ƙasar suka yi ƙasa kafin daga bisanin su farfaɗo bayan da ake baza jita jita na marabus ɗin shugaban gwamnatin ko da yake fito fili ya ƙaryata zancen.

Babban ƙalubale da ke a gaban fraministan shi ne na cimma nasar amincewa da shirin gwamnatin sa na tsuke baki aljihu a gaban majalisar dokokin wanda ake tunani zai kasa samun rinjaye;ƙasashen kungiyar Tarrayar Turai ne dai a ƙarshen taron da suka gudanar a Faransa suka buƙaci ƙasar; da ta ƙaddamar da shirin, kuma nan gaba aka shirya wata tawaga ta ƙwarRaru na ƙungiyar za ta isa a Italiyar domin lura da sauye sauye da aka ummarci ƙasar ta yi.

Mawallafi : Abdourahamane Hassane
Edita : Usman Shehu Usman