የኬምኒትዙ ረብሻ እና መዘዙ

ጀርመን ውስጥ በዛክሰን ፌደራዊ ክፍለ ሀገር ኬምኒትዝ በተባለችው ከተማ አንድ ጀርመናዊ በውጭ ዜጎች መገደሉ ከተነገረ በኋላ በተካሄደ የተቃውሞ ሰልፍ ላይ የተፈጠረውን ሁከት እና ግርግር ማስቆም ባለመቻል የተወቀሰው ፖሊስ ዛሬ ደግሞ መረጃ ሾልኮ እንዲወጣ አድርጓል እየተባለ እየተተቸ ነው። በጀርመናዊው ግድያ የተጠረጠሩት የሶሪያ እና የኢራቅ ዜጋ ተገን ጠያቂዎች ተይዘው ምርመራ እየተካሄደባቸው መሆኑ ተገልጿል። በጀርመን ህግ በፍትህ ስርዓቱ ለሚካፈሉ ሰዎች ጥበቃ ሲባል ባለሥልጣናት ማንነታቸው ይፋ አላደረጉም ነበር። ቀኝ ጽንፈና ቡድኖች ግን በእጃቸው የገባውን ለአንድ ተጠርጣሪ የተቆረጠ የእስር ማዘዣ ዛሬ በኢንተርኔት ካሰራጩ በኋላ ፖሊስ መረጃው ሾልኮ እንዲወጣ አድርጓል ተብሎ ወቀሳ እየወረደበት ነው። ይኽው በኢንተርኔት በተሰራጨው የእስር ማዘዣ የተጠርጣሪዎቹ ሙሉ ስም፣ የጥቃቱ ሰለባ ማንነት እንዲሁም የዓይን ምስክሮች እና የዳኛው ስም ተካቷል። የበርሊኑ ዘጋቢያችን ይልማ ኃይለ ሚካኤል ስለ ኬምኒትዙ ረብሻ ተከታዩን ዘገባ አጠናቅሯል።
ይልማ ኃይለ ሚካኤል 
ኂሩት መለሰ
አርያም ተክሌ